Maraming Natutunan Sa Pakikinig Sa Ang Tinig Sa Ilang

Tapos po nagsearch ako sa Internet sa Youtube ang tinype ko ay “Adventist” at maraming lumabas nakita ko po doon ang, "ang tinig sa ilang" at pag-click ko ay nakita ko ang debate ng “iglesia ni kristo ni Manalo at ni Bro. Thompson”. Pinanood ko po ito at laking gulat...

447 0

Ako po si Jake Caballero ng Bagong Silang, Caloocan City, isa pong Adventista.

Noong una po ay wala po akong kaalam-alam sa Bibliya. Noong nakitira po ako sa tita ko dito sa Bagong Silang ay lagi po nila akong hinihikayat kasi po sila ay magpapabautismo na sa Iglesia ng Dios ni Perez. Hindi ko po masabi sa kanila ang katotohanan kasi po wala akong alam sa ating doctrina dahil wala pa sa isip ko yun. Naging curious po ako nung sabihan sa akin ng tito ko na pastor na peke ang relihiyon ko. Hanggang sa nagsearch po ako at nakita ko din po ang church natin dito sa Bagong Silang (Mt. Sinai Church) at nagtanong-tanong po ako about sa doctrine natin at doon po ako naliwanagan.

Tapos po nagsearch ako sa Internet sa Youtube ang tinype ko ay “Adventist” at maraming lumabas nakita ko po doon ang, “ang tinig sa ilang” at pag-click ko ay nakita ko ang debate ng “iglesia ni kristo ni Manalo at ni Bro. Thompson”. Pinanood ko po ito at laking gulat ko na napakagaling ng Adventist sa debate at talagang naipit niya ang INC, at nalaman ko ang katotohanan about sa ating Panginoong Jesus.

Di nagtagal ay palagi na akong nanonood ng Ang Tinig sa Ilang debates kasi ang dami kong natututunan at ito po ay shinare ko sa mga tita ko.

Laking gulat nila na may alam na ako sa Bible at lahat po ng tanong nila ay nasagot ko with prayers at tulong ng Holy Spirit. Shinare ko po sa kanila na bawal kumain ng baboy at pati ang sabbath at ikapu at marami pa pong iba. Hindi na po sila nagpabautismo sa Iglesia ng Dios ni Perez at pati na ang anak nila na dating aktibo sa kanilang church ay nagpatiwalag na po sa samahan nila. Nagalit po ang tito ko sakin na pastor ng iglesia. Nagkaroon kami ng debate sa bahay ng tita ko at doon po ay nasaksihan nila ang pagkatalo at pag-amin ng tito ko na hindi nangilin ng linggo ang ating Panginoong Jesus.

At tinanong ko po siya na “kung hindi nangilin ng linggo si Jesus, bakit ka nangingilin ng linggo? Na sinabi naman sa 1 Peter2:20, 21 na binigyan Nya tayo ng halimbawa para sundin.” Hindi po siya nakasagot doon bagkus ay nagalit at nagpalit po siya ng topic. Napunta kami sa Trinity at kahit doon ay hindi ko siya pinatakas. At habang naguusap kami ay unti unting naunawaan ang tita ko at ang kanyang anak na mali ang kinaaaniban nila at tuluyan talaga silang hindi nagpagbautismo. Pero hindi po sila naging adventist dahil sa personal na kadahilalan. Ang importante po doon ay nai-share ko sa kanila ang good news of salvation.

Di nagtagal ay nagkaroon ako ng katungkulan sa ating church bilang Communication Leader. At napunta ako sa CLC at doon ko po nakilala ng personal ang napapanood ko lang sa Youtube na bumubuo ng Ang Tinig sa Ilang na sina Bro. Johnson Amican, Bro. Ronald Obidos, Bro. Richard Thompson, Ka Menong, Bro. Ronald Mercado, Ka Wency, at iba pa. Kinuha ko po ang mga number nila at kalaunan ay nakipag-meet muli ako kay Bro. Johnson at kumuha ng maraming debates na dvd at ito po ay ginagamit ko sa ating iglesia upang turuan ang mga kabataan at ang ibang mga member na hindi pa matibay sa ating doktrina.

Ginagamit ko din po ito kapag ako ay nagse-sermon at tuwing pinapanood ko po ito ay para narin akong nagaaral sa Bible school. Nagkakaroon po kami ng open forum sa AY at nag-organize ako ng 28 Fundamental Beliefs Doctrinal class at ang mga kalahok po dito ay mga kabataan. Sila po ay grumaduate na noong last sabbath. At sila po ay nakikipag-share na rin sa debate forums sa facebook at sa mga classmates at teachers nila.

Nagpapasalamat po ako sa Panginoong Dios dahil ibinigay sakin ang katotohanan at ito pong katotohanan na ito ay aking gagamitin hindi lamang sa aking pamumuhay kundi sa pag-akay ng maraming kaluluwa na hindi pa nakakaalam ng katotohanan. Malaking tulong po ang mga DVDs na binili ko kay Bro. Johnson para pag-aralan ang Bibliya. At ang site natin sa Internet na angtinigsailang.org ay malaking tulong din po dahil dito po ako tumitingin ng mga topics at pagaaral. Muli salamat sa Panginoon Dios!

– Jake Caballero, Caloocan City
————————————————

Mababasa po ang iba pang mga testimonies sa pamamagitan ng link sa baba. Maari rin po kayong magbigay ng inyong patotoo sa link na nabanggit.
http://angtinigsailang.org/testimonials/

In this article

Join the Conversation